Il-FIAT Doblo Cargo ppremjat “Light Van of the Year”

Mar 06, 2018 09:05
Miktub minn iNews

Il-mudell ta’ Fiat Professional, id-Doblo Cargo għadu kemm kien ippremjat bħala l-'Light Van of the Year' għat-tieklet darba konsekuttiva waqt il-kompetizzjoni What Van? Awards 2018.

U matul l-istess serata ġewwa Londra, il-mudell popolari Fiorino ingħata wkoll unur fil-kategorija tal-vannijiet żgħar. Dan kollu jkompli jikkonferma l-popolarita tal-vannijiet kummerċjali ta’ Fiat Professional.

Il-fatt li l-Fiat Doblo Cargo jiflaħ iġorr sa tunnelata, volum sa 5 metri kwadri u l-fatt li għandu żewġ magni diesel ta’ 1.3-litre u 1.6-litre mill-iżjed effiċjenti jagħmlu dan il-vann l-għażla awtomatika mhux biss għall-operaturi ta’ flotot iżda wkoll għall-ġurija.

Il-ġurija fil-fatt baqgħet impressjonata ħafna bl-attributi avvanzati tad-Doblo Cargo fosthom id-dinamika eċċellenti u l-kumdita’ – grazzi għas-sistema sofistikata ta’ bi-link suspension – il-kapaċitajiet ta’ tagħbija, il-qafas sod u b’saħħtu u l-għażla ta’ features.

"Il-fatt li d-Doblo Cargo rebaħ l-unur ta’ Light Van Award għat-tlett snin konsekuttivi huwa prova tal-kwalita’ tajba li biha huwa mibni dan il-mudell," qal James Dallas, l-Editur ta’ What Van? ". il-handling u l-kwalita’ li biha huwa mibni dan il-mudell huma impressjonanti iżda l-iżjed ħaġa li tagħmel dan il-mudell attraenti hija l-fatt li kapaċi jġorr tagħbija bejn 3.4m³ u 5.0m³ u toqol li jvarja minn 750kg għal iżjed minn 1,005kg."

Waqt li aċċetta l-premju għal Doblo Cargo, Richard Chamberlain, Country Manager ta’ Fiat Professional qal: "Aħna immensament kburin kemm għad-Doblo kif ukoll għall-Fiorino u kuntenti li rebħu żewġ unuri tant prestiġġjużi.”

"Dawn il-premjijiet huma partikolarment speċjali peress li huma mogħtija minn panel ta' esperti li verament jifhmu s-suq tal-LCV u jafu l-klijenti tal-van x’qed ifittxu. Il-premijiet huma wkoll prova tas-saħħa u l-kompetittività tal-mudelli Fiat Professional, għażla li dan l-aħħar kompliet tissaħħaħ bil-wasla tat-Talento u Fullback pick-up. Dawn jenfasizzaw il-passi kbar li qed tagħmel il-marka hekk kif tikber u ssaħħaħ ir-reputazzjoni tagħha."

Għal-aktar informazzjoni dwar il-mudelli ta’ Fiat Professional żur ix-showroom ta’ FIAT f’Psaila Street B’Kara jew ibgħat email fuq fiatsales@motorsinc.com.mt