L-għaxar rebħa professjonali għal Corito

• Lul 23, 2012 12:48
• Miktub minn

Il-boxer Malti tal-heavyweight Billy “The Hitman” Corito għeleb lil Eric ”The Viking” Thompson. Wara biss ftit minuti, Corito waqqa’ b’knock-out lill-avversarju tiegħu u b'hekk kiseb l-għaxar rebħa professjonali.

Din kienet id-disa’ rebħa b’knock-out għal Corito mill-għaxar rebħiet professjonali li s’issa kiseb. Thompson huwa twil sitt piedi u nofs u għandu ranking numru ħamsa fil-European Boxing Federation.

Din kienet l-aktar ġlieda mistennija waqt serata ta’ boxing bejn il-Maltin u l-Ingliżi.

Il-ġlieda għat-titlu Super Middleweight tal-European Boxing Federation bejn Dione Galea u Jason Curtis spiċċat fi draw filwaqt li Tyron Borg għeleb lil Cayan Hughes b’knock-out tekniku biex kiseb t-titlu Cruiserweight.

Din l-attività kellha wkoll l-għan filantropiku biex jinġabru l-flus għal Francesca, tifla li għandha bżonn kura medika kontinwa.

Simili

• 

  Ever Banega fil-mira ta’ Arsenal

• 

  David Luiz jinsab qrib li jiffirma estensjoni ma’ Chelsea

• 

  Sergio Aguero jġedded il-kuntratt ma’ Manchester City