Jinstabu oqbra tal-massa f’żona li kienet taħt il-kontroll tal-Istat Iżlamiku

  • Nov 13, 2017 10:20
  • Miktub minn iNews

    Oqbra tal-massa li fihom hemm madwar 400 persuna nstabu l-belt ta’ Hawija. Din hija belt Iraqqina li sa xahar ilu kienet għadha okkupata mill-militanti tal- Istat Iżlamiku. 

    Il-Gvernatur tal-provvinċja ta’ Kirkuk, Rakan Said, meta kien qiegħed jitkellem ma’ midja internazzjonali, qal li dawn l-oqbra tal-massa nstabu ftit ’il barra mill-belt imsemmija iktar kmieni sewwasew qrib bażi tal-ajru. 

    Uħud mill-vittmi jidher evidenti li kienu nies ċivili minħabba li dawn kienu lebsin ħwejjeġ normali. Oħrajn jidher li kienu nies li kienu kkundannati għall-mewt minħabba li dawn kienu lebsin il-jumpsuits li s-soltu jkunu mlibbsin il-priġunieri tal-IS. 

    Said qal li jidher ċar li din il-bażi ġiet mibdula f’żona ta’ eżekuzzjonijiet. Il-ġeneral Mortada al-Luwaibi qal li l-armata tal-Iraq sabet dawn l-oqbra tal-massa wara li ċittadini qalulhom bihom minħabba li dawn kienu raw l-attroċitajiet iseħħu quddiem għajnejhom. 

    Din mhix l-ewwel darba li l-forzi Iraqqini sabu oqbra tal-massa f’żoni li darba kienu okkupati mill-militanti tal-Istat Iżlamiku. Is-sena li għaddiet l-aġenzija tal- aħbarijiet Associated Press f’rapport li ppubblikat identifikat xejn inqas minn 72 qabar tal-massa. Huwa stmat li f’dawn l-oqbra kien hemm bejn 5,000 u 15,000 persuna. 

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook