Aħna baħrin tal-maltemp - Gonzi

  • Mar 05, 2013 18:43
  • Miktub minn
"

    Mijiet ta' Nazzjonalisti wieġbu għas-sejħa tal-Partit Nazzjonalista u fir-Rabat, Għawdex, inġabru għall-aħħar attività tal-Partit Nazzjonalista f'Għawdex. Il-mass meeting mistenni qiegħed ikun indirizzat minn Simon Busuttil li qal li kull proġett f'Għawdex sar mill-Partit Nazzjonalista u għalhekk mhux ta' b'xejn l-Għawdxin huma wara l-Partit Nazzjonalista. "Qiegħed nitlob mill-ġdid il-fiduċja tagħkom għall-Partit Nazzjonalista biex nerġa' nservikom," qal Busuttil li tkellem dwar kif l-impenn tiegħu huwa wieħed "personali." Il-folla f'Għawdex hija waħda mimlija entużjażmu b'għajjat bħal "Nazzjonalisti, Nazzjonalisti" u "Eddie, Eddie." Busuttil semma l-problemi li kellmuh dwarhom l-Għawdxin u qal li jrid li l-gvern Nazzjonalista jkun viċin tal-poplu Għawdxi. Qal li ma jistax isolvi kollox qabel nhar is-Sibt, imma żied li hu se jkun hemm wara d-9 ta' Marzu.

    Min-naħa tiegħu l-Prim Ministru Lawrence Gonzi, qal li qegħdin f'mument importanti ħafna fejn kulħadd irid jagħmel l-aħħar sforz. “Irrid infakkar lill-Għawdxin kollha li din il-gżira kienet fil-qalb tal-Partit Nazzjonalista. Għall-Partit Laburista l-gżira Għawdxija hija sekondarja” kompla jgħid Lawrence gonzi.

    Qal li fid-9 ta' Marzu se jkun hawn persuni li għax ma għalqux 18-il sena, mhux se jivvotaw u għalhekk iridu jivvutaw dawk akbar minnhom.

    “Taqtawx qalbkom, għamlu kuraġġ, let's go for it, għax fadal biss erbat ijiem. Taqtaw qalbkom qatt, għax fil-ħames snin li għaddew urejna li aħna baħrin tal-maltemp” kompla jgħid Lawrence Gonzi, filwaqt li tenna li l-PN la jibża' mill-grigal, la mill-ilbiċ u lanqas mill-majjistral. “Aħna mhux se jbeżżana l-ebda riħ” kompla jgħid Lawrence Gonzi.

    Qal li l-PN ma jmurx Għawdex idu f'idu, iżda bi proġetti biex din il-gżira tkompli miexja 'l quddiem. Qal li f'dawn l-aħħar ħames snin biss sar ir-restawr li qed jsir fiċ-Ċittadella, il-venda l-ġdida tal-karozzi tal-linja, il-proġett tal-villa rundle, u l-proġetti fl-Isptar Ġenerali ta' Għawdex. Qal li l-Gvern ta stipendju lill-Għawdxin u skola ġdida fir-Rabat.

    “Lil ħaddieħor ħallih jitkellem fix-xejn, imma aħna ngħidukom x'se nagħmlu f'Għawdex. Aħna se nkomplu naħdmu biex din il-gżira tibqa miexja 'l quddiem. Fikom jien nara l-futur ta' Għawdex,” qal Gonzi.

    Ritratti: Ray Attard

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    13