Diffiċli ssir ġustizzja miegħi - Joe Cordina

  • Mar 04, 2013 13:26
  • Miktub minn Roberta Fenech
"

    Anke jekk ftit jiem biss wara li rriżenja minħabba l-mod kif kumpanija li hu direttur tagħha kienet implikata fl-iskandlu taż-żejt irriżulta li fil-Qorti li hu ma seta' kien jaf b'xejn, Joe Cordina jgħid li diffiċli ssir ġustizzja miegħu. Dan għaliex l-elezzjoni ssir kull ħames snin u għal dan kien ilu jaħdem għaxar snin.

    Joe Cordina wieħed mid-diretturi tal-kumpanija Intershore Fiduciary Services, insista li kienet implikata mill-Ministru Tonio Fenech fl-iskandlu taż-żejt qal li l-allegazzjonijiet kontrih kienet gidba orkestrata u fabbrikata biex tħammġu.

    Intershore Fiduciary Services kienet ‘nomine’ tal-kumpanija Aikon Ltd il-kumpanija ta' George Farrugia li ngħata proklama presidenzjali b'rabta mal-iskandlu taż-żejt.

    Cordina li kien kandidat f'isem il-Partit Laburista, rtira l-kandidatura tiegħu. Imma biss jumejn wara fil-Qorti l-Assistent Kummissarju Michael Cassar qal li Farrugia qallu li l-kumpanija Intershore Fiduciary Services ma kellhom xejn x'jaqsmu fuq dan il-każ u li l-flus b'rabta ma' commissions kienu qed jidhru taħt il-kumpanija Aikon u mhux Aikon Ltd.

    Barra Joe Cordina, diretturi fil-kumpanija Intershore Fiduciary Services hemm ukoll l-avukat Martin Fenech, li fil-passat kien kandidat tal-Partit Nazzjonalista u l-accountant Charles Scerri. Fuq dan il-każ id-diretturi ta' Intershore Fiduciary Services anke fetħu proċeduri legali kontra l-Ministru Fenech fil-Qrati.

    Madankollu f'kummenti li Cordina ta lill-inewsmalta.com qal li l-ħsara fil-konfront tiegħu laħqet saret. “Elezzjoni ma ssirx kull ftit xhur jew kull sena imma kull ħames snin. Li tkun tant ħdimt fid-distrett u mbagħad tirtira l-kandidatura hija diffiċli ħafna,” qal Cordina.

    Huwa qal ukoll li din is-sitwazzjoni kienet diffiċli wkoll għall-familja tiegħu, “il-familja tbati miegħek. Ħaduha ħażin din l-istorja, speċjalment fil-bidu meta fuq Net Tv u TVM ħlief jirrepetu dawn l-allegazzjonijiet m'għamlux,” kompla Cordina.

    Cordina qal li tilef kull fiduċja fil-Ministru Fenech filwaqt li ddeskrivih bħala accountant giddieb. “Konvint li kien jaf il-verità mill-bidu, anke mill-mod ta' kif beda jħawwad u jigdeb. Il-problema hi li hu każ tekninku u għalhekk iddum biex tfiehem li f'dak li għamilt m'hemm xejn ħażin,” kompla Cordina.

    Huwa qal ukoll li ma jistax jifhem il-liġi ta' Malta “kif jista' persuna jkissrek u jħammġek b'dan il-mod u qisu ma ġara xejn. Ma naħsibx li għandhom isiru dawn l-affarijiet speċjalment minn persuni ta' ċertu rispett,” kompla Cordina. Hu jaħseb li wara dan li ġara qatt ma tista' ssir ġustizzja miegħu.

    Intant waqt li kien qiegħed iżur is-suq tal-Belt aktar kmieni dalgħodu l-ġurnalisti staqsew lill-Prim Ministru min għandu raġun fil-każ tal-Intershore jekk hux il-Ministru Fenech jew George Farrugia. Min-naħa tiegħu Gonzi qal li m'għandux id-dettalji ta' dan il-każ u li għalhekk ma jistax jikkumenta dwaru. Huwa żied jgħid li hekk kif dan il-każ qiegħed il-Qorti jħalli lill-Qorti tiddeċiedi.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    29