L-aħmar ifisser qgħad u l-blu jfisser xogħol - Gonzi

  • Mar 03, 2013 14:47
  • Miktub minn
"

    Fil-bidu tad-diskors tiegħu l-Kap tal-Partit Nazzjonalista, Lawrence Gonzi wkoll irringrazzja lil Tas-Sliema talli dejjem kienet benniena Nazzjonalista. Gonzi wkoll qal li jekk fid-9 ta' Marzu isir għażla ħażina ma nkunux nistgħu nirranġaw dak l-iżball. Huwa fakkar li fid-9 ta' Marzu l-elettoral se jkun qiegħed jiddeċiedi x'se jiġri fil-ħames snin li ġejjin. “Se tkunu qed tagħżlu min se jmexxi għal pajjiżna għal ħames snin sħaħ. Ħames snin jistgħu jagħmlu differenza fil-ħajja tagħkom,” kompla Gonzi. Kif qal dalgħodu meta kien f'attività tal-partit taħt it-tinda fl-Isla, Gonzi reġa' qal lin-nies biex ma jissugrawx.

    B'refernza għall-billboard li ħareġ matul din il-kampna elettorali mill-PN, Gonzi qal li l-kulur aħmar ifisser qgħad filwaqt li l-kulur blu jfisser xogħol. “Hawn min qed jipprova li l-kulur aħmar jagħtih tiċpisa blu imma aħmar kien u aħmar jibqa',” kompla l-Kap tal-Partit Nazzjonalista.

    “Fid-9 ta' Marzu qed nissugraw ix-xogħol, għax ix-xogħol ma jiġix bir-roadmaps u bil-paroli imma jekk il-finanzi tagħna jibqgħu fis-sod,” kompla jgħid Gonzi.

    Fl-aħħar tad-diskors tiegħu Gonzi qal li kull persuna preżenti għandha tipprova tipperswadi lil tnejn min-nies biex jivvutaw lill-PN. “Ħamest ijiem kull m'għandna jekk tagħmlu mezz li kull wieħed u waħda minnkhom tavviċinaw tnejn min-nies u tipperswaduhom biex fid-9 ta' Marzu jivvutaw għall-PN, allura fid-9 ta' Marzu nivvuttaw u fl-10 ta' Marzu niċċellebraw,” temm jgħid Gonzi lill-folla numeruża preżenti.

    Rebħa għall-PN garanzija ta' futur fis-sod - Busuttil

    Fil-bidu tad-diskors tiegħu l-Viċi Kap tal-Partit Nazzjonalista rringrazzja l-partitarji Nazzjonalisti speċjalment lis-Slimiżi li dejjem taw l-appoġġ tagħhom lill-PN. Huwa qal li issa wasal il-mument tal-għażla.

    “Qegħdin f'salib it-toroq, nhar is-Sibt li ġej il-poplu Malti se jagħżel liema triq irid ikompli fuqha. Jekk jibqax fit-triq tal-PN jew jaqbadx it-triq li jrid il-PL. Jekk tagħżel it-triq tal-PN tkun qed tagħżel id-direzzjoni t-tajba,” żied Busuttil.

    Huwa qal li s-Sibt il-PN se jagħti lura lill-Maltin, pajjiż rispetat fl-Ewropa u lil hinn. Se jagħti lura pajjiż b'rata għolja ta' impjiegi u rata baxxa ta' qgħad.

    Il-Viċi Kap tal-PN qal li l-PN jimpenja ruħu li jagħmel qabża oħra ta' kwalità 'l quddiem fl-istess direzzjoni.

    Jekk nhar is-Sibt il-poplu Malti jagħżel il-Partit Laburista pajjiżna jibqa' dieħel gass down fil-ħajt “għax lil min tafu tistaqsiex għalih,” qal Busuttil. Huwa staqsa għaliex għandna nbidlu d-direzzjoni, “għaliex għandna naqbdu t-triq tan-nieżla,” kompla. “Iżda biex nibqgħu fid-direzzjoni t-tajba jeħtieġ li nhar is-Sibt noħorġu bi ħġarna u nivvutaw għall-PN,” kompla l-Viċi Kap Nazzjonalista.

    Huwa qal li kieku l-elettorat jagħżel fuq is-suċċess kieku l-PN jirbaħ gass down. “Imma hemm nies li huma mweġġgħin u ddispjaċuti. B'mod partikolari f'dan id-distrett hemm ħafna nies li qed iħossuhom b'dan il-mod,” kompla Busutill. Busutill qal li se jkun impenn personali tiegħu li kemm hu u kif ukoll il-PN se jkunu hemm għalikom kemm fid-9 ta' Marzu u kemm wara.

    “Irridu li min għandu raġun jieħu dak li ħaqqu. Kif intkom kontu hemm għall-PN, il-PN ikun hemm għalikhom,” qal Busuttil. Huwa żied jgħid li l-vot mhux arma biex tiggastika lil xi ħadd imma ċavetta li biha tiftaħ il-futur tiegħek u tal-familja tiegħek. “Nhar is-Sibt warbu fil-ġenb għal mument il-weġgħa personali tagħkom u oħorġu vvutaw lil PN. Jekk jirbaħ il-PN ikun rebaħ il-pajjiż u jekk jirbaħ il-pajjiż tkun irbaħt int. Nhar is-Sibt ejja lkoll nerfgħu r-responsabbiltà għall-pajjiżna. Rebħa għall-PN hija garanzija ta' futur fis-sod,” temm id-diskors tiegħu Busuttil.

    Aktar kmieni: Illum, il-vjaġġ tal-kampanja elettorali ħa lill-Prim Ministru Lawrence Gonzi u l-Partit Nazzjonalista minn fortizza Laburista dalgħodu – l-Isla - għal dik li dejjem kienet meqjusa bħala waħda mill-iktar lokalitajiet b’appoġġ għall-Partit Nazzjonalista, Tas-Sliema.

    Kif kien maħsub fl-aħħar Ħadd tal-kampanja n-nies ħarġu bi ħġarhom jagħtu l-appoġġ tagħhom lill-partiti politiċi. Hekk kif minn hawn u ftit ħin ieħor se jibdew id-diskorsi tal-Viċi Kap u l-Kap Nazzjonalista l-partitarji ħonqu Dingli Street.

    Ritratti: Ray Attard

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    26