Il-PL iżomm il-vantaġġ... il-PN jittama fl-indeċiżi

  • Mar 03, 2013 06:57
  • Miktub minn
"

    Stħarriġ tal-maltatoday ippubblikat sitt ijiem qabel l-elezzjoni ġenerali juri li l-Partit Laburista żamm vantaġġ ta’ 12 fil-mija fuq il-Partit Nazzjonalista. Dan fl-istess ħin li żdiedu n-numru ta’ dawk li qalu li huma indeċiżi. Fl-istħarriġ tal-maltatoday dan in-numru tela’ għal 15.4 fil-mija u l-Prim Ministru Lawrence Gonzi ddikjara mat-Times of Malta tal-lum għalih li xejn m’hu mitmum hekk kif jemmen li dawk li għadhom indeċiżi jistgħu jiddeċiedu l-elezzjoni ġenerali.

    Meta mqabbel mal-2008 il-persuni li ma ġabrux il-vot mid-dar jew mill-għases naqas b’iktar minn 2,000 persuna. Fil-fatt sal-bieraħ filgħaxija kien hemm madwar 12,000 vot li ma nġabrux u li issa jkunu jistgħu jinġabru minn għada mill-uffiċċju elettorali, il-Belt Valletta.

    Skont l-istess stħarriġ huwa l-Partit Laburista l-iktar b’saħħtu ma’ dawk li ħames snin ilu ddeċidew li jibqgħu d-dar. Fil-fatt 28.6 fil-mija fost dawn jgħidu li se jagħżlu lill-Partit Laburista u 4.8 fil-mija biss jiddikjaraw vot għall-Partit Nazzjonalista. Minkejja dan, hawn l-indeċiżi jlaħħqu l-47.5 fil-mija.

    Voti tal-ewwel darba

    Jidher li l-appelli li saru fl-aħħar jiem għal dawk li se jivvotaw għall-ewwel darba ftit ħallew frott għall-Partit Nazzjonalista. Fil-fatt huma 20.8 fil-mija ta’ dawn li qalu li se jagħżlu lill-partit ta’ Lawrence Gonzi, filwaqt li 33.3 fil-mija ddikjaraw vot għat-tmexxija ta' Joseph Muscat.

    Joseph Muscat kompla jkun l-iktar mexxej fdat. Jidher li l-kampanja negattiva fil-konfront tiegħu mill-Partit Nazzjonalista ftit kellha effett hekk kif hu naqqas l-appoġġ b’0.9 fil-mija biex 44.2 fil-mija ta’ dawk li wieġbu l-istħarriġ qalu li jafdaw l-iktar lil Joseph Muscat. 30.3 fil-mija qalu li jafdaw l-iktar lil Lawrence Gonzi. Dan ifisser tnaqqis ta’ 1.3 fil-mija. Kien hemm 8.3 fil-mija li qalu lil ħadd u 17.2 fil-mija ma taw ebda tweġiba.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    36