Austin Gatt: “Iż-żejt ma jinxtarax bil-ħbieb tal-ħbieb”

  • Mar 03, 2013 05:03
  • Miktub minn Owen Galea
"

    “Iż-żejt m’għandu x’jaqsam xejn mal-ħbieb tal-ħbieb,” iddikjara l-Ministru Austin Gatt fil-Parlament f’Marzu tal-2007 meta ffaċċjat b’mistoqsijiet pertinenti li sarulu dwar il-prezz li bih l-Enemalta kienet qiegħda tixtri ż-żejt fosthom jekk kinitx qed tixtrih mill-ħbieb tal-ħbieb bi prezz ogħla minn dak tas-suq.

    Kien id-deputat Laburista Joe Mizzi li fil-5 ta’ Marzu 2007, staqsa direttament lill-Ministru Gatt jekk iż-żejt kienx qed jinxtara mill-ħbieb tal-ħbieb. Huwa rrefera għal diskors li għamel il-Ministru Gatt dwar l-Enemalta u qal li waqt li m’għandu ebda dubju dwar it-tabbella li turi kemm qed nixtru ż–żejt u b’liema prezzijiet, “ilkoll kemm aħna nafu li ma tantx huma daqshekk bċieċen li se jinqabdu b’dan il-mod. Jista’ jkun li jgħidu li ħlew tant u fil-fatt ikunu xtraw ammont inqas... imma ejjew ngħidu li ħadd ma bill subgħajh,” qal id-deputat Laburista.

    Hawnhekk Mizzi jagħmel sensiela ta’ domandi, (fi kliem il-Ministru Gatt retoriċi), li tefgħu dawl dwar korruzzjoni li setgħet kienet għadha għaddejja anke meta Tancred Tabone, li llum jinsab akkużat b’korruzzjoni fix-xiri taż-żejt, kien spiċċa minn Ċermen tal-Enemalta fl-2005.

    Fil-fatt huwa staqsa lill-Ministru Gatt jekk kienx kuntent bil-prezzijiet li bihom konna qegħdin nixtru ż-zejt u jekk dawn kinux l-orħos prezzijiet fis-suq. “Jew inkella xtara b’dawk il-prezzijiet għax iż-żejt xtrah mingħand il-ħbieb tal-ħbieb, bi prezz ogħla minn dak tas-suq? Jew inkella ż-żejt xtrah bl-irkant,” kompla jistaqsi Mizzi.

    Gatt iħossu ddispjaċut

    It-tweġiba tal-Ministru Gatt waslet fit-12 ta’ Marzu, 2007. Dakinhar waqt li ċaħad kull allegazzjoni li saret dwar korruzzjoni fix-xiri taż-żejt, il-Ministru Gatt qal li ħassu ddispjaċut bl-istqarrijiet ta’ Mizzi li qal li kienu motivati aktar minn min beda jgħaddilu l-informazzjoni milli minn knowledge veru tas-suġġett. “Iż-żejt m’għandu x’jaqsam xejn mal-ħbieb tal-ħbieb, li hija cavallo di battaglia li biha tilfu diversi elezzjonijiet. Jekk ma jemminnix kulma għandu bżonn jagħmel hu li jaqbad il-freight papers u jsib tender internazzjonali kif tagħmel l-Enemalta kull sitt xhur għal min irid ibigħilha ż-żejt,” qal il-Ministru Gatt.

    Hawnhekk issemmi proprju t-tliet kumpanija li llum jinsabu fil-qalba tal-iskandlu tal-kummissjonjiet fix-xiri taż-żejt, jiġifieri t-Totsa, it-Trafigura u t-Total. Ir-rappreżentat tagħhom f’Malta kien George Farrugia, il-persuna li ngħata l-maħfra presidenzjali mill-Kabinett tal-Lawrence Gonzi u li skont il-Ministru Gatt innifsu kien ikollu laqgħat regolari miegħu kull tliet xhur.

    Fil-fatt fil-Parlament, Gatt qal li “l-aħħar żejt li xtrajna mingħalija kien mingħand it-TOTSA li hija multinazzjonali. Ġieli xtrajna mingħand it-Trafigura, ġieli xtrajna mingħand it-Total, dawn huma kollha ismijiet li naħseb li l-Onor. Mizzi jafhom, però għal xi raġuni ried jimplika affarijiet oħra,’ żied jgħid il-Ministru Gatt.

    “Staqsiena jekk aħniex kuntenti bil-prezz li qed nixtru, bl-implikazzjoni li suppost m’aħniex kuntenti,” qal Gatt waqt li talab lil Mizzi biex jidhol fl-internet u jfittex il-prezz taż-zejt.

    Nixtruh bl-inqas prezz

    “Jien nista’ nassigura lill-Onor. Mizzi li bil-mod kif ninnegozjaw aħna meta nixtru ż-żejt, nixtruh b’inqas minn dak il-prezz... jiġifieri dawn l-allegazzjonijiet li jinxteħtu hekk, biex inkunu għednihom, naħseb li ma jagħmlu ġieħ lil ħadd,” kien qal il-Ministru Gatt li dak iż-żmien kellu bħala Ċermen tal-Enemalta lil Alex Tranter, il-persuna li aktar tard daħal f’kontroversja sħiħa dwar l-estensjoni l-ġdida tal-power station tal-BWSC hekk kif sar magħruf il-konflitt ta’ interess li kellu meta kien impjegat ukoll f’negozju ma’ Żaren Vassallo, il-kuntrattur li ngħata x-xogħol konness mal-bini tal-powerstation.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    8