RITRATTI: Ritratti satellitari juru li l-Korea ta' Fuq qed tipprepara biex tispara missila minn sottomarin

  • Aww 12, 2017 17:14
  • Miktub minn iNews

    Il-Korea ta’ Fuq jaf qed tipprepara biex twettaq test b’missili permezz ta’ sottomarin. Dan bi sfida ċara għat-tentattivi tal-President Amerikan Donald Trump li jirnexxilu jwaqqaf il-pjani nukleari ta’ Pyongyang.

    Ritratti satellitari li ttieħdu nhar it-Tnejn li għadda juru attività f’sit fejn jiżvolġu testijiet, simili għal dik li ppreċediet it-test tal-missila ballistika li ġiet sparata minn sottomarin f’Awwissu tas-sena li għaddiet. Dawn ir-ritratti satellitari ġew ippubblikati wara li l-President Amerikan Donald Trump qal li l-Istati Uniti għandha l-armi tagħha għal-lest f’każ li Kim Jong-un b’xi mod jhedded lill-Istati Uniti.

    Il-missila tat-tip Pukguksong-1 li ġiet sparata fl-24 ta’ Awwissu tas-sena li għaddiet ivvjaġġat id-distanza ta’ madwar 500 kilometru fid-direzzjoni tal-Ġappun, bil-mexxej tal-Korea ta’ Fuq Kim Jong-un dakinhar ukoll jisħaq li kapaċi jattakki lill-Istati Uniti permezz ta’ sottomarin fil-Paċifiku.

    S’issa Trump għadu ma indikax x’inhu l-limitu li ma jridx li jinqabeż mill-Korea ta’ Fuq. Lanqas ma qal jekk test ieħor mill-Korea ta’ Fuq se jkunx qed jikkostitwixxi raġuni valida għal intervent militari.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook