Panathinaikos kontra PAOK tiġi abbandunata minħabba l-vjolenza

  • Mej 19, 2017 13:00
  • Miktub minn iNews

    F’logħba importanti fil-Greċja, il-coach ta’ PAOK, Vladimir Ivic, ġie milqut b’daqqa ta’ flixkun f’rasu waqt play-off kontra Panathinaikos biex min jirbaħ jikkompeti fiċ-Champions League fl-istaġun li ġej.

    Kien fil-55 minuta b’Panathinaikos minn fuq 1-0 u biż-żewġ timijiet b’10 players fil-ground meta nqalgħet ġlieda li rat żewġ players oħra jiġu mkeċċija.

    Ftit ħin wara l-coach ta’ PAOK, Ivic, waqa’ fl-art wara li ġie milqut bi flixkun mitfugħ minn partitarju u l-logħba ġiet imwaqqfa qabel ma ġiet abbandunata.

    Il-coach ta’ 40 sena ntlaqat fuq il-lemin ta’ rasu u ġie mdewwi fid-dressing room ta’ Stadio Apostolos Nikolaidis, f’Ateni, qabel ma ttieħed l-isptar fejn sarulu l-punti.

    Wara li l-logħba damet kważi siegħa sospiża, ir-referee Giorgos Kominos ma kellux triq oħra ħlief li jabbandunaha.

    PAOK, Panathinaikos, AEK Athens u Panionios, jinsabu fi play-off biex wieħed minnhom jingħaqad mar-rebbieħa tal-kampjonat, Olympiakos, fiċ-Champions Lea­gue.

    Odisseas Vlachodimos ta’ Panathinaikos, ġie mkeċċi wara 20 minuta meta t-team tiegħu kien goal minn fuq iżda Amr Ward ġie muri l-karta s-safra darbtejn fi spazju ta’ erba’ minuti fit-tieni taqsima biex it-timijiet reġgħu ġew indaqs.

    Tliet minuti wara, l-ex goalkeeper ta’ Barnsley, Luke Steele, ġie mogħti bis-sieq minn Jose Angel Crespo ta’ PAOK, li wara qabad lill-kollega ta’ Steele minn għonqu u tefgħu mal-art.

    Dan wassal għaf ħafna mbuttar minn bosta players u hawnhekk tkeċċew ukoll id-difensur mill-Mali ta’ Panathinaikos, Ousmane Coulibaly, u l-midfielder Ukren ta’ PAOK, Yevhen Shakhov.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0