Festa tal-Lunzjata f’Ħal Millieri

  • Mar 20, 2017 21:05
  • Miktub minn iNews

    Din is-sena il-festa tal-Lunzjata fil-kappella medjevali ta’ Ħal Millieri (Iż-Żurrieq) ser tiġi ċelebrata nhar il-Ħadd 26 ta’ Marzu 2017.  Dak in-nhar il-kappella tkun miftuħa għall-pubbliku mid-9.00 a.m. sas-6.00 p.m.  Il-Quddiesa tibda fl-10.00 a.m.u tintemm bit-tberik taċ-ċimiterju.  Is-soċjeta Din L-Art Ħelwa li ilha tieħu ħsieb din il-kappella sa mill-1966, qed torganizza żewġ guided tours tal-post, immexxija minn Dr Stanley Farrugia Randon fil-11.15 a.m., wara l-quddiesa, u mill-kuratur tal-kappella s-Sur Anthony Mangion fl-4.00 p.m.

    Il-kappella medjevali ta’ Ħal Millieri hija fost l-aktar monumenti importanti taż-żmien nofsani Malti.  Il-binja li naraw illum tmur lura sa madwar l-1450, iżda t-tiftix arkeoloġiku wera’ illi qabilha kien hemm ġa’ kappella eqdem, aktarx tas-seklu tlettax, u din kienet inbniet fuq l-artijiet ta’ qasam agrikolu Ruman li darba kien hemm f’dawk l-inħawi.  Il-kappella ta’ Ħal Millieri hija magħrufa l-aktar għall-arkitettura medjevali tagħha, u għall-affreski uniċi li jżejjnu ħitanha.  Dawn l-affreski bi xbiehat ta’ qaddisin antiki kienu aktarx ikkuppjati mill-kappella l-antika, u kienu ġew restawrati bil-ħidma tas-Soċjeta Din l-Art Ħelwa li salvathom bħala l-isbaħ eżemplar li fadlilna tal-arti reliġjuża medjevali f’Malta.

    Il-kappella ta’ Ħal Millieri tintlaħaq minn Triq l-Imqabba fil-bidu ta’ Vjal il-Blue Grotto iż-Żurrieq, jew minn Misraħ il-Ġublew tad-Djamanti (Fuq il-Mentna) f’tarf il-bypass tal-Imqabba.

     

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0