“Irriżenjaw, inkella noqtolkom”

  • Jan 11, 2017 08:15
  • Miktub minn iNews

    Il-President tal-Filippini Rodrigo Duterte wissa lis-sindki kollha tal-pajjiż li għadhom fil-lista tas-suspettati fit-traffikar tad-droga li għandhom żewġ għażliet quddiemhom… jew jieqfu jittraffikaw id-droga jew inkella se jinqatlu.

    Waqt ċerimonja li saret ilbieraħ, Duterte li għandu 71 sena, qal li s-sindki korrotti għandhom jirriżenjaw u jnaddfu l-passat kriminali tagħhom jew inkella “se noqtolkom realment”.

    “Se nkun qed nitkellem mas-sindki. Se ngħidilhom ‘Tajtkom lista ħoxna. Ara jekk ismek huwiex f'dik il-lista sindku.’”

    “Jekk ismek jinsab f'dik il-lista, allura għandek problemi kbar, għax se noqtlok.”

    Huwa kompla jgħid li dawk is-sindki li huma mdaħħlin fit-traffikar tad-droga għandhom ikunu lesti biex titneħħielhom kull sigurtà u kull forma ta' poter.

    “L-ewwel ħaġa li nagħmel huwa li nneħħilhom kull poter superviżorju fuq il-pulizija. It-tieni ħaġa li nagħmel huwa li nneħħilhom kull forma ta' protezzjoni li jgawdu minnha.”

    Mhux l-ewwel darba li Duterte tkellem dwar is-suspett tiegħu li s-sindki qegħdin jagħmlu użu mill-poter tagħhom biex jaċċertaw li mexxejja politiċi ma jintervjenux fit-traffikar tad-droga fl-ibliet u l-irħula tagħhom.

    Duterte kien elett aktar kmieni s-sena li għaddiet wara li wiegħed li se juża id tal-ħadid fil-konfront tal-kriminali fil-Filippini. Fil-ġlieda kontra l-kriminalità s'issa diġà nqatlu 5,300 persuna.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook