Aġġornat/Filmati: Konferenza ta' bniedem imweġġa'

  • Jan 05, 2013 17:04
  • Miktub minn
"

    17:30 Ftit tal-ħin ilu Hermann Schiavone kkonferma li hu mhux se jikkontesta l-elezzjoni ġenerali mal-Partit Nazzjonalista fuq deċiżjoni tal-istess partit. Viżibilment dispjaċut Schiavone spjega kif sentejn mill-partit biex jiffirma dikjarazzjoni li hu qatt ma ried jiffirma.

    "Inbaxxi rasi għad-deċiżjoni tal-partit," qal Schiavone, filwaqt li rringrazzja lill-Partit Nazzjonalista, speċjalment lill-eks Prim Ministru Eddie Fenech Adami talli tah l-opportunità biex għal dawn l-aħħar 30 sena jservi lin-nies fil-politika.

    Matul il-konferenzatal-aħbarijiet, Schiavone kien jidher imweġġa' b'din id-deċiżjoni li ħa l-Prim Ministru Gonzi. Fil-fatt meta mistoqsi dwar dan hu wieġeb billi qal: "Kulħadd tad-demm u l-laħam."

    "Illum l-aħħar ġurnata tiegħi bħala politiku minn għada rrid nara x'se nagħmel biex inkun ta' servizz għall-pajjiżi," qal Schiavone.

    Aktar kmieni: Fi ftit ħin ieħor Hermann Schiavone se jagħti konferenza tal-aħbarijiet minn quddiem id-Dar Ċentrali tal-Partit Nazzjonalista. Huwa mifhum li s-suġġett ta' din il-konferenza hi l-kandidatura ta' Schiavone.

    Fil-fatt jidher li għal darba oħra l-kandidatura ta' Hermann Schiavone ma kinetx aċċettata mill-Eżekuttiv tal-Partit Nazzjonalista. Jidher li kien illum stess li Schiavone kien mgħarraf mill-Prim Ministru dwar dan.

    L-aħħar li kienu magħrufa numru ta' kandidati ġodda li se jikkontestaw l-elezzjoni ġenerali f'isem il-Partit Nazzjonalista kien f'Lulju fl-istess żmien li l-Eżekuttiv Nazzjonalista ddeċieda li ma jħalliex lil Jeffrey Pullicino Orlando, Jesmond Mugliett u Franco Debono jikkontestaw l-elezzjoni f'isem il-partit.

    Dak iż-żmien ħafna kienu ħasbu li fost l-ismijiet tal-kandidati se jkun hemm dak ta' Hermann Schiavone li huwa meqjus bħala r-rivali ta' Debono hekk kif jikkontestaw l-elezzjoni fuq l-istess distrett, il-ħames distrett.

    Għalkemm ma kienx mal-lista tal-kandidati, Schiavone kien qal hu stess li kien ilu li beda l-home visits tliet snin. Dak inhar kien intqal mill-Partit Nazzjonalista li dik il-lista tal-kandidati ma kinetx dik finali u li jistgħu jiżdiedu oħrajn.

    Il-Pulizija kienu investigaw dan il-każ u ma kienu sabu xejn kontra Schiavone. Xi żmien wara, Schiavone kien qal lil Edgar Galea Curmi li hu jaħseb li kien Franco Debono il-moħħ wara dik l-ittra anonima, allegazzjoni li dejjem kienet miċħuda minn Debono. Il-Partit Nazzjonalista kien ċanfar lil Schiavone fejn kienu qallu li l-allegazzjonijiet tiegħu kienu inaċċetabbli.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    22