Milizzji Xija fl-Iraq javvanzaw lejn Tal Afar

  • Ott 29, 2016 19:17
  • Miktub minn iNews
"

    Il-milizzji Xija qalu li bdew attakk kontra l-militanti tal-Istat Iżlamiku fil-Punent ta’ Mosul. Din saret bħala parti mill-missjoni biex din il-belt tittieħed minn idejn il-militanti. 

    Il-gruppi Hashid Shaabi qalu li l-għan tagħhom huwa li jkeċċu lill-militanti tal-Istat Iżlamiku mill-belt t’a Tal Afar, u b’hekk iwaqqfu r-rotta ta’ provvista lejn Mosul mis-Sirja.

    Tal Afar kellha maġġoranza Xija qabel l-Istat Iżlamiku ħadha taħt idejh fl-2014. 

    Mosul hija belt Sunni, u minħabba f’hekk il-militanti Xija wegħdu li huma mhux se jidħlu fiha. L-Iraq beda l-offensiva l-ġimgħa li għaddiet.

    L-armata tal-Iraq, il-Kurdi u forzi alleati – bl-appoġġ tal-qawwa tal-ajru tal-Istati Uniti – komplew javvanzaw bil-għan li jieħu l-belt ta’ Mosul, il-kapitali tal-Istat Iżlamiku fl-Iraq.

    Uffiċjali tal-milizzja Xija meta tkellmu ma’ midja internazzjonali qalu li l-għan ta’ din il-missjoni hija li jwaqqfu l-provvisti bejn Mosul u Raqqa u b’hekk ikompli jissaħħaħ l-assedju. L-istess uffiċjali qalu li l-operazzjoni kienet mibdija min zona fin-Nofsinhar ta’ Mosul.

    Waqt operazzjonijiet militari kontra l-Istat Iżlamiku, il-militanti Xija kemm-il darba kienu akkużati li wettqu delitti tal-gwerra kontra ċittadini Sunni.

    Huwa stmat li f’Mosul għad fadal xejn inqas minn 1.5 miljun persuna. Teżisti l-biża’ li l-militanti tal-Istat Iżlamiku jistgħu jkunu qed jużaw lil dawn in-nies bħala tarka umana.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0