Il-GWU mhux se taċċetta li l-COLA ma tingħatax mill-1 ta' Jannar

  • Diċ 07, 2012 12:02
  • Miktub minn

    Il-General Workers Union fi stqarrija qalet li qed tagħmel ċar illi mhix se taċċetta li fl-1 ta' Jannar li ġej il-ħaddiema kollha, tal-Gvern u tal-privat, ma jingħatawx iż-żieda għall-għoli tal-ħajja li tħabbret fil-baġit 2013. Il-GWU qed issostni dan għax il-ftehim tal-Incomes Policy ma jsemmi xejn dwar approvazzjoni jew le ta' xi baġit.

    Il-GWU qalet li l-Incomes Policy jistabilixxi ċar illi l-perċentwali stabbilit ikun applikat fuq il-paga minima liema ammont jiżdied fl-ewwel ta' Jannar ta' kull sena bl-ammont tal-COLA. Il-unjin żiedet tgħid li l-istess Incomes Policy jipprovdi wkoll li ż-żieda għall-għoli tal-ħajja tkun effettiva fuq iż-żidiet li jaqgħu wara l-Ewwel ta' Jannar wara li d-data tkun stabbilità.

    Il-GWU spjegat li dak li normalament jiġri wara li titħabbar żieda għall-għoli tal-ħajja fil-baġit, huwa li l-Employment Relations Board japprova dik iż-żieda kif imħabbra u mbagħad il-Ministru responsabbli jippublika l-avviż legali għal dan l-effett u b'hekk tkun tista' tingħata ż-żieda tal-COLA. Għaldaqstant, il-GWU ma tara xejn xi jżomm milli dan il-proċess jitwettaq.

    Il-unjin qalet ukoll li l-ftehim kollettiv li kien iffirmat ftit tal-ġimgħat ilu għall-ħaddiema tal-Gvern jgħid ċar li ż-żieda għall-għoli tal-ħajja hija inkluża fiż-żieda miftehma f'dan il-ftehim kollettiv li diġà qiegħed fis-seħħ u għaldaqstant din iż-żieda għandha tingħata awtomatikament.

    “Fil-baġit il-Gvern wiegħed ukoll li ż-żieda tal-għoli tal-ħajja tingħata b'mod sħiħ lill-pensjonanti u għalhekk xejn m'għandu jżomm li l-pensjonanti jieħdu dak li huwa tagħhom bi dritt mill-Ewwel ta' Jannar li ġej,” kompliet il-GWU.

    Il-GWU se tkun qed tinforma lill-għaqdiet ta' min iħaddem biex tagħmel il-punt tagħha ċar biex dawn jagħtu ż-żieda għall-għoli tal-ħajja fl-1 ta' Jannar 2013 u b'hekk jevitaw diversi kumplikazzjonijiet li jistgħu jinħolqu wara dik id-data.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 2

  •  
    anonimu
    Diċ 07, 2012

    Veru l-arroganza

    Irrispondi
  •  
    anonimu
    Diċ 07, 2012

    Jekk il GWU ghandna ragun idahhal lil Gvern il-Qorti, dan qed jilghab bil hobz tal-Haddiema l-affarijiet l-ohra mil-ghada gholew

    Irrispondi