L-elezzjoni fl-ewwel xhur tas-sena - PM

  • Diċ 02, 2012 12:06
  • Miktub minn
"

    “Jgħaddi jew le l-baġit l-elezzjoni se tiġi. Bħalissa mhux se nintrabat b’data iżda żgur li fl-ewwel xhur tas-sena. Li huwa żgur huwa li jekk ma jgħadix il-baġit ċertu miżuri mhux se jidħlu fis-seħħ. Jagħmlu x’jagħmlu tal-PL ma jistgħux ikunu kredibbli fuq ħafna wegħdi li qegħdin jagħmlu. Jekk ma jgħaddix il-baġit jien inxolji l-Parlament u mmorru għal elezzjoni ġenerali.”

    Dan qalu l-Prim Ministru Lawrence Gonzi f'intervista li xxandret fuq Radio 101 illum.

    Kif kien mistenni l-Kap tal-Partit Nazzjonalista tkellem dwar l-elezzjoni ta' viċi kap tal-Partit. Gonzi rringrazzja kemm lil Simon Busuttil u lil Tonio Fenech talli ppreżentaw irwieħhom għal elezzjoni fi ħdan il-partit.

    “Jien nifraħ lil Simon u lil Tonio nirringrazzajh għall-impenn tiegħu, mhux biss tul din il-kampanja, iżda tul din il-leġiżlatura kollha. Dak li seħħ nhar il-Ġimgħa kien li biddilna waħda mill-karigi l-aktar importanti u għalhekk resqin lejn l-elezzjoni ġenerali, b’partit rinovat u frisk. Ħriġna aktar b’saħħitna b’dan it-tibdil,” qal Gonzi.

    Huwa tkellem dwar kif bħalissa l-istħarriġ qegħdin juri li hemm distakk bejn il-PL u l-PN, “però dawn is-sondaġġ huma ritratt ta’ dik iċ-ċirkostanza partikolari u dak jista jinbidel ftit wara,” kompla l-Kap tal-Partit Nazzjonalista.

    Huwa żied jgħid li għalhekk quddiemna għandna għażla, “u l-elettorat jaf li l-PN iġib il-bidla filwaqt li l-PL jeħodna lura fl-mgħoddi,” kompla l-Prim Ministru.

    “Il-PL qiegħed jipproponi l-bżieżaq tas-sapun filwaqt li mal-PN taf fejn qiegħed,” kompla Gonzi. Huwa żied jgħid li l-Gvern immexxi mill-PN ta kull ma felaħ għall-edukazzjoni ta’ uliedna. Gonzi kompla jgħid li l-PL ħsiebu biex jissussidja f’affarijiet li ma jrendux lura lill-ekonomija. Qal li l-poplu għandu joqgħod attent għax meta tagħżel Gvern se tagħżlu għal ħames snin, u ħames snin huma ħafna għal edukazzjoni tat-tfal tagħna.

    Qal li l-PN mhuwiex xi partit li jappella għal xi klassi partikolari, iżda jappella għal kulħadd. Kemm f’dak li għandu x’jaqsam ma’ xogħol u anke orjentazzjonijiet sesswali. Tkellem dwar l-IVF fejn qal li issa li l-liġi għaddiet se jibda jingħata dan is-servizz b’xejn lil kulħadd.

    Il-Prim Ministru qal li f’Malta inħolqu 20,000 impjieg ġdid għalkemm f’pajjiżi oħrajn hemm il-problemi. Iżda Gonzi qal li xorta ma għandiex għax inkunu kuntenti għax hemm min ilu jfittex ix-xogħol u fil-fatt hawn 7,000 ruħ bla xogħol.

    Tkellem dwar il-baġit u qal li dan il-baġit se jkun ifisser li s-sena 2013 se tkun waħda diffiċli. Qal li meta saret ir-riforma fit-Tarzna ma kinitx faċli, iżda għall-pajjiż kien jaqbel għax it-Tarzna kienet qed tixrob ħafna flus. Qal li dik kienet għażla responsabbli avolja ma kinitx popolari. L-istess għall-Air Malta.

    Qal li dawn id-deċiżjonijiet wasslu biex f’dan il-baġit ħa deċiżjonijiet tajbin, fosthom żieda fiċ-Children’s Allowance, u tnaqqis ft-taxxa. Min-naħa l-oħra Gonzi kkritika l-fatt li Muscat qal li se jżomm affarijiet li fih il-baġit u mbagħad se jivvota kontra.

    Qal li jekk il-baġit jgħaddi jew le, xorta waħda din il-leġiżalatura hija lesta. “Anke l-Laburisti jafu x’għamilna f’dawn il-ħames snin għax il-postijiet tax-xogħol tgawdew kemm minn familji Laburisti u anke Nazzjonalisti,” kompla Gonzi.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    16