Ħass ikkuppat bil-pancetta

• Mej 16, 2016 00:45
• Miktub minn iNews

Ingredjenti:

ħassa sħiħa 

50g strixxi tal-pancetta jew bejken

50g pancetta mqattgħa dadi żgħar

mgħarfa żejt taż-żebbuġa

nofs basla mqattgħa

zunnarija ta' daqs medju, imqaxxra u mqattgħa dadi

1/2 kikkra stokk

melħ u bżar

Metodu:

Lesti borma bil-misħun jagħli. Poġġi l-ħassa sħiħa ġol-misħun għal żewġ minuti. Saffi l-ilma sew u ferra' ftit ilma kiesaħ fuq il-ħassa.  

Aqsam il-ħassa f'erbgħa biċċiet. Rembel kull biċċa fl-istrixxi tal-pancetta u agħlaq b'toothpick.

Ġo taġen aqli l-basla ġo ftit żejt taż-żebbuġa. Żid il-pancetta mqattgħa dadi kif ukoll iz-zunnarija. Żid l-istokk. Ħalli t-taħlita tagħli, imbagħad żid il-ħass imkebbeb fil-pancetta. Baxxi n-nar u sajjar għal għaxar minuti. Żid ftit melħ u bżar jekk trid. Itfi n-nar u poġġi l-ħass ġo dixx biex isservi fuq il-mejda. Ferra' fuqu l-istokk u l-pancetta li baqa' fit-taġen.

Din ir-riċetta ta' Lea Hogg ixxandret fil-programm Lifestyle & Co fuq TVM2. Ara wkoll www.goodfoodeveryday.wordpress.com

 

Simili