L-aħħar preparamenti biex għada l-Isptar Boffa jilqa' aktar pazjenti

  • Apr 17, 2016 00:15
  • Miktub minn iNews

    Għal ħafna snin, l-Isptar Sir Paul Boffa kien sinonimu mal-kura tal-kanċer f’pajjiżna. Rwol li tteħidlu hekk kif kien lest u beda jopera l-Isptar Sir Anthony Mamo, sptar speċjalizzat fl-istess kumpless tal-Isptar Mater Dei li jispeċjalizza fl-onkoloġija.

    Illum, iżda fl-Isptar Boffa għaddejjin l-aħħar tħejjijiet biex minn għada jibdew jaslu għoxrin pazjent li qegħdin jingħataw kura fit-tul.

    Hekk kif telqu l-pazjenti u l-staff tal-onkoloġija mill-Isptar Boffa, bdew il-preparamenti u x-xogħol biex ċerti swali jiġu rranġati ħalli jospitaw fihom pazjenti li qegħdin jieħdu kura fit-tul.

    “Il-problema ta’ nuqqas ta’ sodod f’Mater Dei hija problema li ilna niffaċċjaw sa mill-bidu tal-ftuħ ta’ Mater Dei. Fil-futur qrib se jkollna l-użu mill-ġdid tal-isptarijiet San Luqa u Karin Grech, iżda l-problema ridna nsolvuha issa,” qal is-Segretarju Parlamentari Chris Fearne, meta mitlub jikkumenta dwar l-użu tal-Isptar Boffa.

     Fearne fakkar li lejn l-aħħar  tas-sena li għaddiet fl-Isptar Mater Dei infetħu żewġ swali ġodda f’binja li tinsab biswit l-Emerġenza, kif ukoll din is-sena sar rinovar f’sala ġdida f’Mater Dei.

    “F’Diċembru tas-sena li għaddiet ġiet rinovata sala fl-Isptar Boffa, sala li tesa' 31 sodda. Il-ħidma baqgħet għaddejja u issa tlestiet biex minn għada tilqa' l-pazjenti fiha sala oħra li se jkollha 21 sodda. B’hekk se jkollna 52 pazjent li se jkunu qegħdin jingħataw kura fl-isptar Boffa,” qal Fearne.

    Fl-Isptar Boffa, li preżentament jospita wkoll id-Dipartiment tad-Dermatoloġija, sar ukoll tisbiħ fil-partijiet komuni u fil-ġonna li jdawruh.

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook