Mudella ordnata tħallas €6,000 talli kisret kuntratt

  • Set 19, 2012 15:05
  • Miktub minn

    Tfajla li applikat biex tieħu sehem fil-konkors “Miss World Malta 2009” se jkollha tħallas €6,000 lill-organizzaturi wara li naqset li tattendi għall-attivitajiet kif kienet obbligata bil-kuntratt.

    Diandra Agius, li għandha 22 sena, applikat biex tieħu sehem fil-konkors organizzat lokalment mill-kumpanija Modelle International li titmexxa bi sħab minn Suzanne Rossi u Claudia Dalli.

    Il-kontestanti ffirmaw kuntratt bl-obbligi li kellhom isegwu sas-serata finali. Fost oħrajn, il-kontestanti kellhom jieħdu ħsieb ‘photo shoot’ kif ukoll jaħsbu għal xi ħaġa li xtaqu jsajru kollha fdaqqa peress li l-ewwel filmati kienu se jsiru ġo villa.

    Dakinhar stess it-tfajliet iltaqgħu fil-villa imma Agius m’attenditx mingħajr ma avżat lil ħadd. Għalkemm it-tfajliet tal-grupp u l-organizzaturi ċemplulaha hija baqgħet ma weġbithomx. L-għada filgħodu skoprew minn fuq il-Facebook li qattgħet lejl barra. Għalkemm Agius ċaħdet dan u saħqet li kienet qiegħda l-isptar, il-Qorti qalet li din ma tat l-ebda prova li fil-fatt kienet l-isptar.

    L-organizzaturi ħassewhom iktar urtati meta Agius ħadet sehem fi programm televiżiv fl-istess żmien li suppost kienet qed tieħu sehem fil-Miss World Malta meta ma kelliex permess. Minn hemm ’il quddiem hija m’attenditx iktar laqgħat u lanqas ħadet sehem fis-serata finali.

    Kien għalhekk li Rossi u Dalli fetħu kawża fil-Qorti tal-Maġistrati fejn talbu li tħallashom kumpens ta’ €6,000 talli kisret il-kuntratt.

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 2

  •  
    anonimu
    Set 21, 2012

    Dawn it-tfajliet jiġu impressjonati li se jsiru famużi u jaqaw għal kull kuntratt, naħseb mimli bli small print. Parir tiegħi, qatt tiffirmaw bl-amment għax ix-sharks ikunu qed jistennew li tiżbaljaw biex jaqbżu fuqkom.

    Irrispondi
  •  
    anonimu
    Set 22, 2012

    Peress li kien hemm min ħaseb li l-kumment preċedenti kien tiegħi u rċevejt messaġġi dwar is-suġġett, nixtieq ngħid li mhux jien l-"A. Mifsud Bonnici" li ikkumenta dwar din l-istorja fil-21 ta' Settembru 2012.

    Irrispondi
  •  

Facebook