Imħassbin dwar is-sigurtà fuq l-internet

• Lul 09, 2012 13:58
• Miktub minn Sammy Sammut

Stħarriġ ġdid tal-Ewrobarometru juri li l-Maltin huma mħassbin aktar mill-medja Ewropea fejn tidħol is-sigurtà fuq l-Internet: 95% jevitaw milli jagħtu informazzjoni personali online waqt li 75% jemmnu li r-riskju li ssir vittma tal-kriminalità elettronika żdied matul din l-aħħar sena. Hemm ukoll 74% li huma mħassbin li l-informazzjoni personali tagħhom ma tinżammx b'mod sikur mis-siti elettroniċi, waqt li 65% saħansitra jibżgħu li din l-informazzjoni personali tagħhom ma tinżammx b'mod sikur mill-awtoritajiet pubbliċi.

Ir-riżultati ta' dan l-istħarriġ li għadu kemm kien ippubblikat mill-Kummissjoni Ewropea juri li ħafna huma dawk il-Maltin li jużaw l-Internet u li jibżgħu li jisfgħu vittmi tal-kriminalità elettronika. Kien hemm 65% tal-Maltin li jibżgħu li xi ħadd joħdilhom id-dettalji personali tagħhom u jibdew jagħmluha ta' bir-ruħhom huma biex, per eżempju jixtru f'isimhom, għalkemm kienu biss 5% li kultant esperjenzaw dan it-tip ta' frodi.

Simili

• 

  Kunċert għal Kor, Orgni u Orkestra minn St. Paul Choral Society

• 

  Il-ħin tas-sajf jew tax-xitwa? liema tippreferi?

• 

  'L-affarijiet mhux sejrin kif ippjanajt...qed inħossni agħar milli kont' - Bjorn Formosa