Aġġornat: Is-suppost żbir tas-siġar… Oleander jiżżarmaw mill-friegħi

  • Nov 16, 2013 09:27
  • Miktub minn Victor Vella
"

    Sfortunatament f'pajjiżna, minkejja rapporti kontinwi ta' żbir ta' siġar b'mod selvaġġ, din il-prattika qed tibqa' għaddejja. L-aħħar ilmenti qed jaslu mill-by pass tal-Qrendi meta siġar tal-Oleander li bħalissa jkunu mimlijin bi friegħi ħodor, spiċċaw immasskrati u mneżżgħa mill-weraq.

    Resident li tkellem magħna qalilna li ma jistax jifhem għaliex dawn is-siġar ġew miżburin hekk. “Din mhix l-ewwel darba. Hemm żoni oħra f'Malta fejn l-istess Oleander ġie miżbur b'mod selvaġġ fosthom il-bypass tal-Imtarfa. Meta se nibdew inkun sensittivi għas-siġar ta' pajjiżna?" staqsa l-istess resident.

    Ta' min jgħid li l-Oleander mhumiex siġar indiġeni, iżda huma siġar li joffru ċert kulur fit-toroq tagħna bil-ward ikkulurit li għandhom.

    Stqarrija mill-Kunsill Lokali tal-Qrendi

    Fi stqarrija l-Kunsill Lokali tal-Qrendi qalu li ż-żbir tas-siġar imsemmija fil-by-pass tal-Qrendi, isir fuq bażi regolari. “Dan ix-xogħol isir biex dawn is-siġar jingħataw aktar saħħa. Mill-esperjenza nafu li fi ġranet ta' riħ qawwi ħafna, dawn is-siġar qegħdin jispiċċaw bil-friegħi miksurin, jekk kemm-il darba dawn il-friegħi jkunu kbar iżżejjed, bħalma kien il-każ riċentament. Barraminnhekk, meta dawn il-friegħi jikbru ħafna, jkunu ta' ostaklu speċjalment għas-sewwieqa li jkunu ħerġin minn toroq sekondarji ġol-by-pass tal-Qrendi għaliex ma jkunux jistgħu jaraw il-karozzi li jkunu ġejjin,” ntqal fl-istqarrija.

    Intqal ukoll li liż-żbir li sar issa fil-by-pass sar b'dan il-mod u f'dan iż-żmien għal żewġ raġunijiet. “L-ewwelnett, bħal daż-żmien l-Oleander ikun qiegħed jorqod sakemm jibda jerġa' jarmi f'Marzu, u għaldaqstant huwa żmien tajjeb sabiex isir żbir simili ta' dawn is-siġar. It-tieni raġuni hi li l-Oleander tal-by-pass qiegħed kulma jmur jikber u jitla' 'l fuq u għaldaqstant irridu li jkun hemm kontroll fuq kemm jikber 'il fuq sabiex insebbħu aktar il-by-pass b'armonija u livell bejn is-siġar tal-Oleander kollha. Dan huwa proġett li ma jistax isir kollu f'daqqa, u għaldaqstant dan ix-xogħol inbeda issa biex minn Marzu li ġej dawn is-siġar tal-Oleander ikollhom dehra ħafna isbaħ,” qal il-kunsill lokali tal-Qrendi.

    “Nixtiequ nagħmluha ċara li l-Kunsill Lokali tal-Qrendi għandu ħafna għal qalbu l-ambjent u dan l-aħħar f'Misraħ il-Maqluba nżergħu numru sostanzjali ta' siġar tal-ħarrub u għargħar bħala parti minn proġett ta' afforestazzjoni li għandu l-Kunsill Lokali. F'dan ir-rigward, il-Kunsill Lokali tal-Qrendi qiegħed jistieden lill-kontributuri ta' dan is-sit biex jekk jixtiequ jagħmlu donazzjoni ta' siġar bħala parti mill-proġett ta' afforestazzjoni li se jsir fit-triq li mill-Maqluba tagħti għal Ħaġar Qim, javviċinaw lill-Kunsill Lokali.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    14